قصة قصيرة | كيف تنشأ الطوائف

ca. 1940s --- Original caption: Two boys lie on the ground fighting, as a girl watches eagerly in the background.  Photograph circa 1940s. --- Image by © Bettmann/CORBIS

ca. 1940s — Original caption: Two boys lie on the ground fighting, as a girl watches eagerly in the background. Photograph circa 1940s. — Image by © Bettmann/CORBIS

كيف تنشأ الطوائف والتوجهات المختلفة؟ وهل حقا المتحاربين احداهم علي صواب والآخر ضال؟ أم أن كل طرف تناول جانب من الحقيقة وأنكر الجانب الآخر، فأصبح عندنا طرفين يمسكان بأنصاف حقائق، وكنتيجة صار كل منهما ضال في تطرفه؟
مجرد قصة صغيرة تشرح صراع الاخوة الطائفي

—————

الأول (بحماس): المانجة دي حلوة أوي.. بجد جميلة
الثاني (مبتسما): أكيد جميلة.. أنا باحبها جدا
الأول (بحماس أشد): جميلة بس… دي بجد حاجة طعمها ما حصلتش علي فكرة..فظيعة أوي
الثاني (موافقًا): فعلا هي فظيعة
الأول (باستنكار): فظيعة بس؟ يا راجل!! دا اللي ما اكلهاش يبقي ما داقش أكل
الثاني (وقد بدا عليه الضيق): فعلا اللي ما أكلهاش ما داقش أكل
الأول (باستنكار اشد): لا مش بس ما داقش أكل.. حرام عليك.. دا مش عايش.. دا ميت.. لا بجد مش ممكن المانجة دي الحياة كلها.. أنت تعرف أنك ممكن تاكل مانجة بس وتمدك بكل احتياجات الجسم؟
الثاني (وقد بدأ يزهق من “أفورة” الأول): مش واسعة شوية؟
الأول (بثقة وغرور): لا طبعا.. المشكلة انك وأمثالك مش مقدرين قيمة المانجة وازاي هي الشيء اللي كل الناس محتجاه لحياتها وما بعد حياتها كمان
الثاني (وقد بدأ يعند من ال “أفورة” بتاعة الأول): ممم… طيب وانت إيه رأيك يا برنس في التفاح؟
الأول (بلا مبالاة): شغال.. بس لا يقارن بالمانجة طبعًا
الثاني: ليه لا يقارن؟ متهيأ لي لونه احلي.. الاحمر احلي من الأصفر
الأول (بسخرية): لا طبعا الأصفر احلي.. وحتي اللون الأحمر لون الأهلي.. الاصفر البرازيل
الثاني (بشيء من الغضب ومزيد من العند): لون التفاح احلي.. وفيه منه اخضر…واصفر كمان… متنوع وجميل علي كل زوق
الأول (بغضب): هو انت هاتلبسه شورت.. دا اكل يا مقطف.
الثاني(بغضب): التفاح طعمه احلي على فكرة
الأول (بذهول وغضب): انت اتجننت.. لا طبعا المانجة احلي مليون مرة
الثاني (بغضب وعنف): لا طبعا التفاح احلي من المانجة المبعجرة أم بذرة كبيرة اللي انت قرفت اهلنا بيها
الأول: (الغضب يزداد): بقي التفاح ابو قلب ما يتاكلش احلي من المانجة يا مجنون
الثاني (بعضب اشد): انت اللي اتجننت وهبلت.. اصلا فوايد التفاح أكتر من المانجة
الأول(بروحانية) : المانجة أفيد طعام في الكون… المانجة سر الحياة.. المانجة دي هي كل حاجة
الثاني (روحانية وعند): البحوث اثبتت مشاكل المانجة كتيرة… وأضرارها أكتر من فوايدها. التفاح طعام كامل الفوائد بلا عيوب يا جاهل.. المانجة دي اصلاً خطر علي الصحة..
التفاح هو الطاعم السليم الشامل على فكرة
الأول (بثقة وغل): إنت كذاب ومزور.. عندي بحوث تثبت أن المانجة ما لهاش ولا ضرر.. بالعكس بقي التفاح مشاكله كتير وانا مش عايز أتكلم
الثاني (بكراهية): وأنت نجس ومدلس.. التفاح أكثر أصالة وقدماً.. والعلم في صفه.. والطعم.. والرائحة كمان.. انت ما تعرف أنه مكتوب “في البدء كان التفاح”؟؟
الأول (بكراهية اشد): المانجة أول نبات ظهر في الكون يا جاهل.. في البدء خلق الله المانجة مش التفاح، والمانجة أحلي وأروع حاجة اتخلقت.. المانجة أصلا أزلية!!
الثاني: طيب من النهاردة ما فيش واخد من عيلتي كلها ها ياكل ام المانجة المبعجرة اللي انت قرفتنا بيها
الأول: يمين علي يمينك من بكرة، اللي هياكل التفاح المقرف بتاعك في عيلتي هاطرده من العيلة أصلا

(تشابك بالأيدي ثم انقسام لعائلتين.. عيلة اكلي المانجة وأكلي التفاح)

(بعد مئة سنة… انقسمت عيلة “المانجة” إلى جماعة “المانجة العويسي” والمانجة ال “الفونس” … وأنقسمت عيلة “التفاح” لجماعة “التفاح الأخضر” و “التفاح الأحمر”)

بالمناسة.. ذبلت المانجة والتفاح وماتت أغلب أفراد عائلتي الأخ الأول والثاني وانقساماتهم من الجوع وغياب الزارع والأرض الجيدة وانقطاع المطر)

Romany Joseph
29th April 2015

 

Advertisements

About RomanyJoseph

قليلون من يبحثون عن الحق، وقلة منهم جادة وأمينة، وهم فقط من يعبرون صدمة خداع ما لُقن لهم وحفظوه...لينطلقوا في النمو في معرفة الحق... إنها رحلة إكتشاف للموت وعبور للقيامة
This entry was posted in قصص قصيرة and tagged , , , . Bookmark the permalink.

2 Responses to قصة قصيرة | كيف تنشأ الطوائف

  1. David says:

    هي حلوة بس أعتقد إن الموضوع مش بالباطة دي يا روماني.
    موضوع إننا كلنا بنكمّل بعض وكل واحد عنده جزء من الحقيقة معتقدش إنه صح، طبعًا مقصدش إن فيه حد عنده كل الحق، بس أقصد إن فيه حاجات كتيرة عندي غلط (عقيدتي فيها غلط)، وعند غيري صح (عقيدته هس الصح)، والعكس.
    الموضوع مبقاش مانجة وتفاح، الموضوع مانجة وحصرم.

    • RomanyJoseph says:

      ازيك يا ديفيد
      اشكرك لتعليقك
      في الفترة اللي فاتت باتعلم كلمتين لا يتعارضا
      البساطة والصعوبة، بسيط عكسها معقد، اما صعب عكسها سهل
      و الموضوع باحسه بسيط بس صعب، كل واحد زي ما انت قلت اخد جزء وركز عليه، وبدا يشوه اللي عند التاني
      فاصبح جزء من الحق هو تشويه للحق، واصبح الموضوع يمكن مش بس مانجة وحصرم
      مانجة بايظة وتفاح بايظ زي ما ذكرت في اخر سطر
      وببساطة.. الموضوع محتاج ان تموت الذات تماما..الذات التي تستمد امانها من فكر طائفي وترتمي بالكامل في المسيح
      مجازفة بكل ما تعلمته.. لكن مجازفة مضمونة.. مرجعها اعتراف صريح انا واقعها الحالي مشوه ولا يشبع

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s