صلصة الكشري.. أسلوب حياة

maxresdefault

كلنا بناكل كشري.. سيبك من انه اكله مالهاش أي فايدة غير انها تزود وزنك!! لكننا بناكلها لان طعمها بيعجبنا، وما فيش سبب تاني لأكلها غير كدة..
بس سيبك.. خلينا نخش في الموضوع… كلنا أما بنروح ناكل كشري في المحلات بنحط صلصة
احنا كلنا متأكدين بنسبة فوق المية وخمسين في المية، ان الصلصة دي معمولة من بواقي طماطم بايظة، واغلبها من الطماطم المفعصة اللي ما حدش اشتراها. ما اتكلمتش مع حد بعد ما طرحت المشكلة دي غير وهو عارف ومتأكد ان صلصة الكشري كدة..
كلنا متعايشين مع صلصة الكشري وبنتعامل عادي وبنتعامي عن معرفتنا بحقيقة صلصة الكشري، ومحتاجين نقف وقفة نفهم نفسنا.. ليه بنعمل كدة… وهل اللي بنعمله دا في موضوع صلصة الكشري.. بنعمله في حاجة تاني؟
السبب بسيط ومؤلم.. اننا في الحقيقة وبصراحة وببساطة.. بنحب الصلصة على الكشري، وعجبانا، فعايزين ناكلها، فقررنا نعمل نفسنا مش واخدين بالنا إنها مش سليمة.وطبعا.. اللي بنعمله مع اكله الكشري بنعمله مع اكلات كتير..
وطالما مش بنموت (في ساعتها).. يبقي الدنيا ماشية وصلصة الكشري مش بتعمل حاجة.
منهج “صلصة الكشري” هو أسلوب حياة
احنا بنعمل حاجات غلط.. وعارفين انها غلط.. وبنتعامي انها غلط.. بس شغال.. احنا بنحبها… فبنعملها وشايفين اننا مش بنموت.. بس الحقيقة اننا بنموت.. بس مش في ساعتها!! بنموت موت بطئ
بنعك في حياتنا عك غير طبيعي، بنعمل حاجات علشان بنحبها حتى واحنا عارفين انها غلط.. ومادام مش بتحصل كارثة في ساعتها.. ايه المشكلة.. بنكمل.. ونتحرك..
ولان حياتنا بيحكمها قوانين زي جسمنا بالضبط.. بيجي وقت كل العك دا بيطلع ويدمر حياتنا
شخص بياكل من ثقافة التليفزيون والمسلسلات.. يا تري اما يجي وقت الجواز؟ يا تري هايعرف يختار المناسب ليه؟
شخص بياكل من مبادئ الناس حواليه في شكل حياته.. بيقبل كل حاجة.. يا تري هايعرف يعيش صح
شخص عارف مشاكل في ديانته أو عقيدته ومتعامي عنها… يا تري دا مش هايأثر على حياته؟
شخص بيضيع وقته.. يا تري مش هايجي وقت يندم فيه؟
شخص طباعه بايظة ومتعايش معاها.. يا تري مش هايكون بيدمر نفسه وأولاده؟
شخص بيعمل اللي على مزاجة واللي بيحبه.. مش بيعمل الصح.. يا تري مش هايجي يوم ويدمر؟
بس طالما في ساعتها انا مش حاسس بحاجة.. والدنيا ماشية.. حتى لو انا مدرك انها مستقبلاً هاتعك.. خليني اكمل
اكيد انا مش باتكلم علشان نتعلم سوا اننا نبطل تحط صلصة كشري على الكشري، انا كاتب دا علشان نتعلم اننا في الموضوع دا بنعكس بيه شكل حياة.. ويوم ما حياتنا تتغير من جوة ونفحصها بعمق.. ونتعلم نعمل الحاجة الصح مش الحاجة اللي بنحبها
هانبطل نحط صلصة المطاعم على الكشري بجدية.. ويمكن نبطل الكشري نفسه

Romany Joseph
3th August 2015

 

Advertisements

About RomanyJoseph

قليلون من يبحثون عن الحق، وقلة منهم جادة وأمينة، وهم فقط من يعبرون صدمة خداع ما لُقن لهم وحفظوه...لينطلقوا في النمو في معرفة الحق... إنها رحلة إكتشاف للموت وعبور للقيامة
This entry was posted in أدب ساخر. Bookmark the permalink.

2 Responses to صلصة الكشري.. أسلوب حياة

  1. Andrew Atef says:

    نسيت غسيل السنان 😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s